Description
Mu bwaaguuga bwa Buganda bwona, mu kitiibwa ekibuvumbekedde okuzaama, mu buvanjuba ne bugwaanjuba, muzze mubelamu abasajja ebikonge, ab’esigamwaako.
Mesusera Kamya z’ezimu ku mpagi enkulu ez’aweeleza n’obwesimbu ela nga z’esigamwaako nnyo okuzimba n’okutumbula kino ekitiibwa kya Buganda ekyaava edda.
Kamya yali mutabaazi, omulwaanyi namigge, omujaasi engwanguli, omukulembeze alengera ebili ewala, ela omukessi ow’ekyaama, owa ba Kabaka ab’enjawulo mu byafaayo bye Buganda.
Obuganda webwaali wakati munkyuukakyuuka, ba Kamya be baalwana okulaba nga Obuganda tebusuulibwa omuyaga ogwaali gubulumbye.
Wuliriza bino ebyafaayo bya Buganda ebiyigiriza ela ebinyuma okukamala, nga kw’ogasse n’ezimu kuntalo Kamya zeyalwaana ne banne; nga Katikiro Honorato Nnyonyintono, Alex Ssebowa, Stanislaus Mugwanya, Sir Apollo Kaggwa, n’abalala.
Kamya yaweeleza mu mulembe ogwa ba ssekabaka; Muteesa I, Mwanga II, Kiwewe, Kalema, ne Chwa II. Ela yafuna ebitiibwa ku ba Kabaka be benyini ne gavumenti ez’enjawulo zeyaweelezaamu. Kamya yatakabana nnyo ela agwaanye okumanyibwa n’okujjukilwa’nga lubelera.
Lumala –
Webale nyo ssebo, naye tusoma nti Apolo Kaggwa wamu ne Stanlus Mugwanya bebalyamu Kabaka Mwanga olukwe
Kalyabe –
Bwotunuulira ebyafaayo byebiseela ebyo, omuntu taba mukyaamu bwagamba nti ensi yonna yali mpambe – nga ewambiddwa bannadiini, nga bayambibwaako abaana ab’omunju. Ebiluubililwa byamadiinii buly’omu byeyali akulembeza, so ssi Kabaka n’ekinyusi ekigatta o Buganda. Kati awo… ebisigadde yali matalisi.